• modules/mod_lv_enhanced_image_slider/images/demo/33.jpg
  • modules/mod_lv_enhanced_image_slider/images/demo/dfd.jpg
  • modules/mod_lv_enhanced_image_slider/images/demo/lveis1.jpg
  • modules/mod_lv_enhanced_image_slider/images/demo/lveis4.jpg
  • modules/mod_lv_enhanced_image_slider/images/demo/lveis5.jpg
  • modules/mod_lv_enhanced_image_slider/images/demo/lveis6.jpg
  • modules/mod_lv_enhanced_image_slider/images/demo/lveis7.jpg

Хийн плиткийн иж бүрдэл

Онцлох мэдээ

Jica Төсөл

Улаанбаатар хот дахь агаар бохирдлын асуудал
ウランバートル市大気汚染対策能力強化プロジェクト

Монгол улсын нийслэл Улаанбаатар хотын хүн ам 2009 оны байдлаар 1120000 гэж албан тоо гарсан байдаг ч үүнээс гадна бүртгэлгүйгээр шилжин ирэгсэд байгаа бөгөөд одоо ч хотын хүн ам маш хурдацтайгаар нэмэгдсээр байна. Нийслэлд 3-н нүүрсэн галлагаат дулааны цахилгаан станц, 200 гаруй дунд оврын халаалтын зориулалттай жижиг загварын УХЗ (Усан халаалтын зуух: УХЗ), 1000 гаруй үйлдвэрлэлийн зориулалттай жижиг зуух, түүнээс гадна гэр хорооллын 140000 өрх айлын зууханд нүүрс шатааснаас ялгарах тоос тоосонцор нь агаарыг ихээхэн бохирдуулж, хотын оршин суугчдын эрүүл мэндэд хортой нөлөө үзүүлж байна.

Нөгөөтэйгүүр Монгол улс нүүрсний арвин нөөцтэй орон учраас түлш эрчим хүчний баталгаат эх үүсвэр болох нүүрсийг түшиглэх хандлага ихтэй бөгөөд нүүрснээс татгалзахын тулд нэлээд урт хугацааны бодлого, хүчин чармайлт шаардлагатай. Мөн сүүлийн жилүүдэд автомашины хэрэглээ ихэсч, улмаар хар тугалгатай бензин өргөнөөр худалдаалагдаж байгаа тул угаарын хийн эрүүл мэндэд үзүүлэх хор хөнөөл ч сэтгэл түгшээж байна.

Тиймээс Монгол улсад сүүлийн жилүүдэд агаарын бохирдол нь засгийн газрын түвшинд ч, ард иргэдийн хүрээнд ч тулгамдсан асуудал болоод байгаа бөгөөд олон хандивлагч байгууллага гэр хорооллын зуух, түлшний чанарыг сайжруулахад дэмжлэг үзүүлэх зэргээр олон арга хэмжээг авч хэрэгжүүлсээр ирсэн. Мөн агаарын чанарын загварчлал болон эрүүл мэндэд үзүүлэх хор хөнөөлийн судалгаа явуулж байгаа боловч цахилгаан станц, УХЗ зэрэг том, дунд оврын эх үүсвэрээс ялгарах бохирдуулагч бодисын тооцоог хараахан баталгаатай гаргаж чадахгүй байгаагаас ялгарлыг бууруулах арга хэмжээг хангалттай хэрэгжүүлж чадахгүй байна.

 

Холбоосууд

Агаарын чанарын индексийн мэдээ

index ok

Агаар бохирдуулах бодисын хүний эрүүл мэндэд үзүүлэх сөрөг нөлөөлөл


НҮҮРСТӨРӨГЧИЙН ДУТУУ ИСЭЛ (CO)

CO

Өнгөгүй, үнэргүй хий. Түлшин дэх нүүрстөрөгч бүрэн шатаагүй үед үүсдэг. Нүүрстөрөгчийн дутуу исэл уушгиар дамжиж, цусны урсгалд орж, эсэд хүчилтөрөгчийг зөөвөрлөдөг гемоглобинтой нэгдэн “Карбоксигемоглобин” гэдэг нэгдэл үүсгэдэг. Иймээс хүний бие махбоди, эдэд очих хүчилтөрөгчийн хэмжээг багасгадаг. Зүрх судасны өвчтэй хүмүүс, тухайлбал зүрхний бах өвчтэй хүмүүс хамгийн их эрсдэлтэй бөгөөд биеийн хүчний ажил хийж байгаа үед нүүрстөрөгчийн дутуу ислийн нөлөөлөлд өртвөл цээжээр өвдөх болон зүрх судасны талаас бусад шинж тэмдгүүд илэрдэг. Зүрх судас, амьсгалын замын архаг хууч өвчтэй (зүрхний титэм судасны өвчтэй, цус багадалттай, уушигны архаг бөглөрөө өвчтэй) хүмүүс, нярай хүүхдүүд нүүрстөрөгчийн дутуу исэлд илүү өртөмтгий байдаг.

 

 

ТООСОНЦОР  (PM2.5, PM10)

PMАгаарт хатуу, шингэн төлөв байдалтай оршдог. 10 микрометрээс бага хэмжээтэй тоосны богино (1-24 цаг) ба урт хугацааны (хэдэн жилийн) нөлөөлөл нь уушги, зүрхний өвчлөл, нас баралтын нэг хүчин зүйл болдог. Зүрхний эсвэл уушгины өвчтэй хүмүүс, тухайлбал зүрхний архаг өвчтэй хүн, титэм судасны өвчтэй, гуурсан хоолойн багтраа өвчтэй хүн, өндөр настнууд (уушгины эсвэл зүрхний өвчингүй байж болно) тоосонд мэдрэмтгий байдаг. Зүрхний өвчтэй хүн тоосны нөлөөнд өртсөнөөс цээжээр хөндүүрлэх, чичрэх, амьсгал давхцах, сульдах, зүрхний хэмнэл алдагдах зэрэг шинж тэмдгүүд илэрдэг. Тоос нь амьсгалын замын халдварт өвчний өртөмтгий байдлыг ихэсгэх бөгөөд амьсгалын замын архаг өвчнийг сэдрээх нөлөөтэй.

 

 

 

 

ХҮХЭРИЙН ДАВХАР ИСЭЛ (SO2)

SOГуурсан хоолойн багтраа өвчтэй хүмүүс гадаа биеийн хүчний ажил хийж байгаа үед хүхрийн давхар исэлд их өртөмтгий байдаг. Гол нөлөө нь амьсгалын замыг нарийсгадаг бөгөөд шуухитнах, амьсгаа давчдах зэрэг шинж тэмдгүүд илэрдэг. Хүхрийн давхар исэл нь амьсгал цочроосноос найтаах, ханиах зэрэг физиологийн хариу үйлдэл үзүүлэх бөгөөд сөрөг нөлөө зогсоход уушгины үйл ажиллагаа цагийн дотор хэвийн байдалд ордог. Хүхрийн давхар ислийн архаг нөлөө нь амьсгалын замын өвчний тохиолдлыг ихэсгэх, уушгины хамгаалах механизмыг бууруулах, зүрх судасны архаг өвчнийг сэдрээдэг. Зүрх судасны өвчтэй болон уушгины архаг өвчтэй хүмүүс, түүнчлэн хүүхдүүд, өндөр настнууд архаг нөлөөнд өртөмтгий байдаг.

 

 

АЗОТЫН ДАВХАР ИСЭЛ (NO2)

NOӨнгөгүй, үнэргүй хий бөгөөд агаар мандалд бор шаргал өнгөтэй болдог. Азотын давхар исэл нь уушгины эдийг цочроох ба амьсгалын замын халдварт өртөмтгий байдлыг нэмэгдүүлдэг. Азотын давхар исэл нь амьсгалын замын өвчний тохиолдлыг ихэсгэх, гуурсан хоолойн багтраа болон үрэвсэлтэй хүний мэдрэгшлийг нэмэгдүүлэх, уушгины хамгаалах механизмыг бууруулах, зүрх судасны архаг өвчнийг сэдрээх нөлөөтэй. Зүрх судасны, уушгины архаг өвчтэй хүмүүс, түүнчлэн хүүхдүүд, өндөр настнууд архаг нөлөөнд өртөмтгий байдаг.

 

 

 

ОЗОН (O3)

O3Гурван атомт хүчилтөрөгчөөс тогтсон хий төлөв байдалтай нэгдэл. Озон нь атмосферийн дээд давхарга болон газрын гадарга орчмын агаарт байдаг бөгөөд озон хаана байгаагаас шалтгаалж хүний эрүүл мэндэд эерэг, сөрөг нөлөө үзүүлдэг. Атмосферийн агаарын дээд давхаргад оршдог озон нь нарны хэт ягаан туяаны хортой нөлөөнөөс хүн, амьтныг хамгаалах биологийн ач холбогдолтой. Газрын гадарга орчмын атмосферийн агаар дахь озон нь хүний эрүүл мэндэд аюултай. Гадаа биеийн хүчний ажил хийх, зуны улиралд хүүхдүүд гадаа удаан хугацаагаар тоглоход озоны нөлөөлөлд өртөх эрсдэл нэмэгддэг. Амьсгалын замын өвчтэй хүмүүс, тухайлбал гуурсан хоолойн багтраа өвчтэй хүмүүсийн уушиг озонд маш мэдрэг байдаг тул бусад хүмүүстэй харьцуулахад озоны хэмжээ бага байхад ч харьцангуй хурдан озоны нөлөөнд өртөж, эрүүл мэндэд нь өөрчлөлт гардаг. Озон нь амьсгалын замын салст бүрхэвчийг цочроох, уушгины үйл ажиллагааг бууруулах үйлчилгээтэй тул озоны нөлөөнд өртсөн хүмүүст ханиах, хоолой хорсох, цээжээр хөндүүрлэх, амьсгал авалт хурдасч, өнгөц болох зэрэг шинж тэмдгүүд илэрдэг. Озон нь гуурсан хоолойн багтраа өвчнийг сэдрээдэг бөгөөд ялангуяа гэрийн тэжээмэл амьтан, ургамлын тоос, хачиганд харшилтай хүмүүс озонд их мэдрэмтгий бөгөөд ийм хүмүүс гуурсан хоолойн багтраа өвчнөөр өвдөх нь элбэг байдаг. Түүнчлэн амьсгалын замын халдварт өвчинд өртөмтгий байдлыг ихэсгэхэд нөлөөлдөг

 

 

 

 
Баннер

Санал асуулга

Таны бодлоор Улаанбаатар хотын агаарыг аль нь хамгийн их бохирдуулж байна вэ?

46.2%
41.8%
3.3%
5.3%
3.3%
Loading...

Нийслэлийн Агаарын чанарын албаны үйл ажиллагаа, үйлчилгээг та хэрхэн үнэлдэг вэ?

40.3%
21.7%
38%
Loading...

Манай зочид

ӨнөөдөрӨнөөдөр60
ӨчигдөрӨчигдөр281
Энэ 7 хоногЭнэ 7 хоног1587
Энэ сардЭнэ сард8247
HийтHийт168656

Цаг агаар